turki-seir

YAŞASIN AZƏRBAYCAN

آیریلیقدان اودلانان باغریمدا لاله م وار منیم

تیتره ین کیرپیکلریمده قانلی ژاله م وار منیم

 

گئتمه ییر بیر آن خیالیمدان جنوبون حسرتی

قلبیمین هر گوشه سینده بیر شلاله م وار منیم

 

هم اوزاقدیر، هم یاخیندیر منجه بو وصلین یولو

تبریزین هر داخماسیندا اودلو ناله م وار منیم

 

آرزولاردان دوغمادیر هر نغمه مین هر کلمه سی

هر سؤزو دیلدن-دیله دوشموش رساله م وار منیم

 

قوی وصال گلسین، گؤزل، معنالی بیر ساغلیق دئییم

قارداشیم! گؤی گول کیمی الوان پیاله م وار منیم!

 

"سلیمان رستم"


İşarələr: تورکی شعر, سلیمان رستم, شعر ترکی, بهترین و زیباترین اشعار ترکی

[ پنجشنبه هجدهم تیر ۱۳۹۴ ] [ 14:6 ] [ səhənd turan ]

[ ]


کاش سورمه اولئیدیم چکیلئیدیم گؤزووه....ای کاش سرمه میشدم تا بر چشمان تو میکشیدنم

گؤزوون یاشی اولئیدیم سوزولئیدیم اوزووه...اشک چشمان تو میشدم تا روی صورت تو جاری میشدم

گئجه نین نصفیدی یا رب یوخو گلمیر گؤزومه...خدایا نصف شب است و خواب به چشمانم نمی آید

بو نه عالم دی خدایا دئییرم اؤز اؤزومه...با خودم میگویم این چه عالمی است خدایا

بیر نفر حاکم اولا جمع ائده مستانه لرى...یک نفر حاکم باشد تا سرخوشان عاشق را جمع کند

آچا زنجیر جفادن یازیق آلوده لری...و این گرفتارشدگان عاشق را از بند جفا رها سازد

سالا جارچی بازارا،آی سئوَن آلسین سئوَنی...درکوچه و بازار جار بزند که عاشق به معشوقش برسد

اوندا قورخوم بودو کی هامی سئوه من سئوَنی...آن وقت ترسم از آن است که دیگران عاشق معشوق من شوند..



kaş sürmə oleydim çəkileydim gözüvə

gözüvün yaşı oleydim süzüleydim üzüvə

gecənin nisfidi ya rəb yuxu gəlmir gözümə

bu nə aləmdi xudaya deyirəm öz özümə

bir nəfər hakim ola cəm edə məstanələri

aça zənciri cəfadən yazıq aludələri

sala carçı bazara ay sevən alsın sevəni

onda qorxum budu ki,hamı sevə mən sevəni



İşarələr: شعر ترکی همراه با معنی فارسی, تورکی شعر, تورکجه شعر, تورکی شعرلر

[ یکشنبه بیست و هفتم بهمن ۱۳۹۲ ] [ 14:58 ] [ səhənd turan ]

[ ]

هئی هئی..

بابك كيمي دور قوللاريني چيرمالا هئي هئي

تورك ائللريني ييغماغا تونقال قالا هئي هئي

باش بؤلگو بؤلن لر سيزي ياددان چيخاديبلار 

حق آلمالي دير دور ياپيشاق قول قولا هئي هئي

غم دئو كيمي دونياني توتوب اووجونا سيخدي

باس بارماغي سينسين بوغازين پارچالا هئي هئي

اي نسل نسيمي سيزه سوسماق كي ياراشماز

تورك اوغلو دئمز آخ!دریسين سويسالا هئي هئي

استاد هوشنگ جعفری


...Hey Hey

 Babək kimi dur qollarını çırmala hey hey

Türk ellərini yığmaqa tunqal qala hey hey

Baş bölgü bölənlər sizi yaddan çıxadıblar

Həq almalı dır dur yapışaq qol qola hey hey

qəm dev kimi dünyanı tutub ovcuna sıxdı

bas barmaqı sinsin boğazın parçala hey hey

Ey nəsli Nəsimi sizə susmaq ki yaraşmaz

Türk oğlu deməz ax! dərisin soysala hey hey


müəllif: Huşəng Cəfəri


İşarələr: تورکی شعر, هوشنگ جعفری, Huşəg cəfəri, türki seir, babək

[ سه شنبه بیست و دوم بهمن ۱۳۹۲ ] [ 4:23 ] [ səhənd turan ]

[ ]

بودا بیر گؤزل تورکجه شعر کی لاتین الفباسیندان عرب الفباسینا کؤچورموشم..

امود ائله ییرم کی سئوه سینیز...

بوتون سئویب سئویلمه ین لره اتحاف...

.

.

.

نییه بو دونیادا سئویلمیر سئون؟


چیچه یی بورنوندا، سئودی یین زامان

آیریلیق گلدی قفیل، ائیله دی پئشمان

گئتدی داها سئوگی، گلدی آغ یالان

ایندی نه دئیه جک؟ بیزی جوت گؤرن

نییه بو دونیادا سئویلمیر سئون؟


بو سئوگی الیمده بؤیوک دریادی

چاره سیز مجنونا سوسوز صحرادی

کیمینه یاخیندی، کیمه اوزاقدی

او قدر گؤرموشم دیزینی دؤین

نییه بو دونیادا سئویلمیر سئون؟


بو یول عاشیقین یولو، بو یول قورخولو یولدو

سونو نه خوش سئوگی دی، نه ده آیریلیق اودو

اورک ده حسرت پایی،گؤزلر یاش ایله دولو

عاشیقین گؤز یاشینی، تاپیلماز سیلن

نییه بو دونیادا سئویلمیر سئون؟


ووصالا گئدن یولو، هیجران آغریسی کسیر

سئوگینین مئیوه سینی، سئوگی اوغروسو دریر

گؤزلرده عشق باخیشی، زامان ایله دئییشیر

قاییتمیر داها، او چیخیب گئدن

نییه بو دونیادا سئویلمیر سئون؟؟



Çiçəyi burnunda,sevdiyin zaman

Ayriliq gəldi qəfil,eylədi peşman

Getdi daha sevgi,gəldi ağ yalan

Indi nə deyəcək ? bizi cüt görən

Niyə ? bu dünyada,sevilmir sevən


Bu sevgi aləmi böyük dəryadı

Çarəsiz məcnuna susuz səhradı

Kiminə yaxindı,kime uzaqdı

O qədər görmüşəm dizini döyən

Niyə ? bu dünyada sevilmir sevən


Bu yol aşiqin yolu,bu yol qorxulu yoldu

Sonu nə xoş sevgidi,nədə ayrılıq odu

Ürəkdə həsrət payı,gözlər yaş ilə dolu

Aşiqin göz yasını,tapılmır silən

Niyə ? bu dünyada sevilmir sevən


Vüsala gedən yolu,hicran ağrısı kəsir

Sevginin meyvəsini,sevgi oğrusu dərir

Gözlərdə eşq baxısı,zaman ile dəyişir

Qayıtmır bir daha,o çıxıb gedən

Niyə ? bu dünyada sevilmir sevən


Muəllif:Toğrul 



İşarələr: تورکی شعر

[ شنبه دوازدهم بهمن ۱۳۹۲ ] [ 2:17 ] [ səhənd turan ]

[ ]

بو گؤز یاشلاریملا خاطیرلا منی...


اورک اونوتماییب خبرین اولسون

دیلیم سؤیله سه ده اونوتدوم سنی

سن منی اونودا بیلمه میسن سه

بو گؤز یاشلاریملا خاطیرلا منی..


منیم چون ال چاتماز اولان خیالسان

بیر آنلیق اؤزونده خیالا دالسان

کئچمیشی دوشونوب یادینا سالسان

بو گؤز یاشلاریملا خاطیرلا منی..


ساکیتجه دایانیب قولاق آساندا

اورک پیچیلداییر،دیلیم سوساندا

اونوتسان عیبی یوخ،خاطیرلاسان دا

بو گؤز یاشلاریملا خاطیرلامنی..


غم،کدر الیندن اوزولوب آخان

یاناقدان قاطار تک دوزولوب آخان

گؤزدن داملا-داملا سوزولوب آخان

بو گؤز یاشلاریملا خاطیرلا منی..


اشیتدیم حیاتدان چوخ اینجیمیسن

"اونوتماق چتیندیر،چتین"-دئمیسن؟

اونوت گولوشومو،سئوینجیمی، سن

بو گؤز یاشلاریملا خاطیرلا منی..


کیمی سه منیم یئریمه قویسان

خیانت گؤره رک یالاندان دویسان

نه واختسا سئوگیمه احتیاج دویسان

بو گؤز یاشلاریملا خاطیرلا منی..


Bu göz yaşlarımla xatırla məni


,Ürək unutmayıb, xəbərin olsun
.Dilim söyləsə de unutdum səni
,Sən məni unuda bilməmisənsə
..Bu göz yaşlarımla xatırla məni

,Mənimçün əlçatmaz olan xəyalsan
,Bir anlıq özün də xəyala dalsan
,Keçmişi düşünüb yadına salsan
..Bu göz yaşlarımla xatırla məni

,Sakitcə dayanıb qulaq asanda
,Ürək pıçıldayır, dilim susanda
Unutsan eybi yox... Xatırlasan da
Bu göz yaşarımla xatırla məni

,Qəm, kədər əlindən üzülüb axan
,Yanağdan qatar tək düzülüb axan
,Gözdən damla-damla süzülüb axan
..Bu göz yaşarımla xatırla məni

,Eşitdim həyatdan çox incimisən
?!"Unutmaq çətindir, çetin"- demisən
Unut gülüşümü, sevincimi, sən
..Bu göz yaşarımla xatırla məni

,Kimisə menim yerimə qoysan
,Xəyanət görərək yalandan doysan
,Nə vaxtsa, sevgimə ehtiyac duysan
..Bu göz yaşarımla xatırla məni


İşarələr: تورکی شعر

[ چهارشنبه نهم بهمن ۱۳۹۲ ] [ 2:23 ] [ səhənd turan ]

[ ]

ائله می؟!

قولوم قیریلیب، قیچیم سینسا یولوندا

لقمان اولوب ساغالتمازسان؛ ائله می؟

جوان اؤلسم عالم منه آغلاسا

سن یاس توتوب آغلامازسان؛ ائله می؟!


باهار واختی قارانقوشلار اؤتنده

بولبول گوله، گول بولبوله یئتنده

مزاریمدا بنؤوشه لر بیتنده

هئچ ماتم ده ساخلامازسان؛ ائله می؟!


گول آچمیشدی عشقیمیزین دیله یی

قویما سولا محبّتین چیچه یی

حسرتیندن اودا دوشسه اوره ییم

بیرجه دفعه یوخلامازسان؛ ائله می؟!



?Eləmi


,Qolum quruyub, qıçım sınsa yolunda

?!Loğman olub sağaltmazsan, eləmi

Cavan ölsəm aləm mənə ağlasa

?Sən yas tutub ağlamazsan, eləmi

 

Bahar vaxtı qaranquşlar ötəndə

Bülbül gülə, gül bülbülə yetəndə

Məzarımda bənövşələr bitəndə

?Heç matəmdə saxlamazsan, eləmi


Gül açmışdı eşqimizin diləyi

Qoyma sola məhəbbətin çiçəyi

Həsrətindən oda düşsə ürəyim

?Bircə dəfə yoxlamazsan, eləmi


İşarələr: تورکی شعر

[ چهارشنبه دوم بهمن ۱۳۹۲ ] [ 20:15 ] [ səhənd turan ]

[ ]

نه وار كي؟


بير اوجاق تيكه جكسن،

سؤندورمه يه نه وار كي؟

بير آغاج اكه جكسن؛

سينديرماغا نه وار كي؟


دادا داد وئره جكسن!

كوله، اود وئره جكسن!

قول-قاناد وئره جكسن!

سينديرماغا نه وار كي؟


دورمادان، واراجاق سان،

يوللاري، ساراجاق سان،

يان-يانا دوراجاق سان!

يان دورماغا نه وار كي؟


قورتولماغا بوخوودان؛

آزاتمالي بو توودان!

هاي-داد ساليب آلوودان،

گئن دورماغا نه وار كي؟


گولوش اولاق دوداقدا!

اؤپوش اولاق ياناق دا!

باخيشلاري آياق دا!

دوندورماغا نه وار كي؟


گؤروش منله!گؤر مني!

اؤپوش منله!سار مني!

حاضيرلانميش خرمني،

يانديرماغا نه وار كي؟

"اسماعيل اولكر"


?nə var ki


,bir ocaq tikəcəksən

?söndürməyə nə var ki

;bir ağac əkəcəksən

?sındırmaqa nə var ki


!dada dad verəcəksən

!külə,od verəcəksən

!qol-qanad verəcəksən

?sındırmaqa nə var ki


,durmadan,varacaqsan

,yolları,saracaqsan

!yan-yana duracaqsan

?yan durmaqa nə var ki


:qurtulmaqa bu xovdan

!azatmalı bu tovdan

,hay-dad salıb alovdan

?gen durmaqa nə var ki


!gülüş olaq dodaqda

!öpüş olaq yanaqda

!baxışları ayaqda

?dondurmaqa nə var ki


!görüş mənlə! gör məni

!öpüş mənlə! sar məni

,hazırlanmış xərməni

?yandrmaqa nə var ki


İsmayıl Ülkər


İşarələr: تورکی شعر, اسماعيل اولكر

[ پنجشنبه نوزدهم دی ۱۳۹۲ ] [ 19:22 ] [ səhənd turan ]

[ ]

یارپاق اولوب تورپاغینا تؤکولسم، 
تورپاق اولوب سئل‌لرین له سؤکولسم،
سئل- سئل اولوب دریا‌لارا تؤکولسم،
دویماز گؤزوم، دویماز یئنه بو ائلدن.

قایا کیمی شیمشک‌لره دؤزوم مو ؟
شیمشک اولسام، آز عؤموردن بئزیم می ؟
عؤمور کئچیب، کئچیب اگسه دیزیمی
دویماز گؤزوم، دویماز یئنه بو ائلدن.

ساحيل اولوب دالغا‌لارلا اوولسام،
دالغا اولوب کولک‌لرله قوولسام.
کولک اولوب سما‌لارا سورولسام،
دویماز گؤزوم، دویماز یئنه بو ائلدن.

چئشمه کیمی دامجی- دامجی سوزولسم،
دامجیلانیب چیچک‌لره دوزولسم،
چیچک اولوب واخت‌لی، واخت‌سیز اوزولسم،
دویماز گؤزوم، دویماز یئنه بو ائلدن


İşarələr: وطن, تورکی شعر

[ جمعه سیزدهم دی ۱۳۹۲ ] [ 23:20 ] [ səhənd turan ]

[ ]

"منيم ده وار هوسيم" 

من ده بير بولبولودوم چوخ وارايدي گول هوسيم

گولون عشقينده چاتاردي منيم افلاكه سسيم
بس كي فرياد ائله ييب عشقيمي اظهار ائله ديم
ليك گوللرده وفا گؤرمه ديم، اؤلدو هوسيم
چيغيريب سالديم هاراي، داديما بلكه يئته لر
نه سسه سس وئرن اولدو، نه ده فرياد رسيم
ائله ديم بسكي فغان، خسته دوشركن يورغون
ايندي ده واردي هله، تنگه دوشوبدور نفسيم
او بوداقلارداكي آزاد، اوخويارديم گول اوچون
نه بيلئيديم اولاجاقدير منيم آخر قفسيم
بولبوله ناله دي قسمت، گوله گولمك، نه دئييم
بو نصيبه، بو پايا قسمته كيم اولدو قسيم
دولانارديم باشينا اؤز گولومون، تيتررديم
اسمه سين، راضي اولارديم يئل اسنده من اسيم
ييغيشيب سينه مه غملر قالانيب بير داغ اولوب
عؤمرومون آخيري بو غم شله سي بسدي، بسيم
دولدو پرونده عشقيم غم ايله باغلاندي
چوخ شكايت ائله ديم اولمادي بير دادرسيم
ايندي من سانكي قوشام كنج قفسده، سيخيليب
نه قاناد واردي اوچام، وار نه يووام كي تلسيم
مني ده بو قفسه سالديرانيم اولدو هوس
اودو فرياد ائدريم آي سنه لعنت هوسيم
يالقيزام، يوخدو اوره كدن گر اؤلم آغلايانيم

عالم عشقده تك جان وئره رم يوخدو كسيم

"استاد یالقیز"


İşarələr: تورکی شعر, یالقیز

[ جمعه ششم دی ۱۳۹۲ ] [ 0:55 ] [ səhənd turan ]

[ ]



سن اوتایدا من بوتایدا


گونلریمیز آخ وای گئدیر

سن اوتایدا من بو تایدا


سن قالیبسان حسرت منه

تامارزییام منده سنه


هئچ غم اولماز بوغم کیمی

سن اوتایدا من بوتایدا


İşarələr: تورکی شعر

[ جمعه ششم دی ۱۳۹۲ ] [ 0:37 ] [ səhənd turan ]

[ ]

Söyle...gözlerimden axan göz yaşı
Niye üreyime axır tökülür?
Toyuna qarışıb hamının başı
Biz qemli, etrafsa sevinir gülür

Gelmişem "yaxşı yol" deyem men sene
Başını qaldırıb üzüme baxma
Hetda xeyalında olub keçene
Qayitmaq istesende birde qayıtma

Seni aparırlar sense qanrılıb,
Meni axtarırsan oblu baxışla
Menim qol qanadım sınıb, qırılıb
Elim sene çatmaz meni bağışla

Gedirsen dalınca su atır anan
Mense göz yaşımla yuyuram yeri
Kaş bu yuxu ola qalxıb yuxudan
Qaytara bileydik öten günleri


İşarələr: تورکی شعر, زلیم خان یعقوب

[ یکشنبه بیست و ششم آبان ۱۳۹۲ ] [ 21:20 ] [ səhənd turan ]

[ ]

 
من هله ده
دایانیب دؤنگه ده، یول گؤزله ییرم.

گؤزومو زیلله یه رک،
او اوزاق لاردا سنی ایزله ییرم.

اینانیـم وار بونا، من ...
بیلیرم بیرگون، سن ...
بیر پری تک بورونوب آغ ایپگه
بیر قوجاق لاله ایله، گله جکسن گؤروشه...


رجب ابراهیمی(فــــــرهاد)


İşarələr: تورکی شعر, رجب ابراهیمی, فرهاد, گؤروش

[ چهارشنبه بیست و دوم آبان ۱۳۹۲ ] [ 2:35 ] [ səhənd turan ]

[ ]

...باش توتمایان سئودا

ana dili

:شاگرد

ایسته ییرسن کی،معلّم،بیز اورک دن باریشاق

آغزیمیــزدا دیلیمیــز وار،قوی او دیلــده دانیشاق

مــدنیّت بورومـــوش علـــم ایلـــه دونیـــا اوزونــو

داها تنبل لییی آت گل گئجه_ گوندوز چالیشاق

:معلّم

اشـتباه ائیلمــه یین وار هر ایشین قاعـده سی

او شیرین یئرلــی دیلـین مرکزه یوخ فایـده سی

امر ائدیبلر کی،سوخام آغزیوا جبـره ن بو دیلـی

دونیادا فارس دیلیدیر جوملـه دیلین والیده سی

:شاگرد

آی معلّـــم اونـــو اؤیــــرنمه یه یــــوخ طـــاقتیمیز

آنا دیلـــده دانیشیب گولــمک اولـوب عـــادتیمیز

چـوخ بؤیوکـدور او غریب دیل جیراجاق آغزیمیزی

بیـــز تصــــوّر ائله دیکــــجه دییشـــیر حـــالتیمیز

:معلّم

سیز اوشاق سیز نه بیلیرسیز ای اوغول یاخشی_یامان

خوراساندا بو دیله حرمــت ائـــدیر پیر و جــــوان

اونلارین خاطیرینــه سیزده گـــرک اؤیــرنــه سیز

سؤزومو رد ائله سـیز دولـت ائدر باشقا گومــان

:شاگرد

آی معلّــم بیــر اوتـان،ری لــی،گیلانی دئییلیک

ائلیمیــز یوردومــــوز آیـــری گـــاوالانلی دئییلیک

آزریســـتاندی بیــــزیم ملّتیمیـــز تاریخـــه بـــاخ

معده دن سؤیله میریک فیکری دومانلی دئیلیک

:معلّم

منــه تــاریخ اوخومــاق اینــدی یاراشـماز بیلیرم

دوزو لاپ زور_زوراکـی حــاققیزی اینکــار ائــدیرم

دیلیزی ترک ائله ییب ایندی گرک فارسلاشاسیز

آدی زی تـــــــاریخین اوّل واراقینــــدان ســـیلیرم

محمّد بی ریا


İşarələr: تورکی شعر, محمد بی ریا

[ چهارشنبه هشتم آبان ۱۳۹۲ ] [ 23:18 ] [ səhənd turan ]

[ ]

چکمیشم

سئوگیلیم بیر بیلمه دین سنسیز نه محنت چکمیشم

بـی وجــود اغیـــارلردن چـــوخ اذیّت چکـــمیشم

 

ذوق وصلین خاطره گلدیکجه غمدن آغلارام

اؤزگه بیر جانانه سانما دیلده حسرت چکمیشم

 

مه جمالین گؤرمه یه بیگانه فرصت وئرمه دی

صبح اولونجا هر گئجه کویوندا نوبت چکمیشم

 

بیوفالیق رسمینی ترک ائت دئدیم ترک ائتمه دین

سـندن اوترو یـالواریب اغیـاره منّت چکـــمیشم

 

وصـل یـار اولمــاز میسّر هـر بلاکش عاشیقه

من صداقتله بو یولدا چوخ مصیبت چکمیشم

 

نـازنینلر وصــلینه من نـایل اولســام حــقلی یم

چون کی چوخ مهپاره لر عشقینده زحمت چکمیشم

 

اؤزگه نی دیندیردی اؤز یاریم منی دیندیرمه دی

ایندی گؤر "واحید" خجالتدن نه ذلّت چکمیشم

 

علی آقا واحد

İşarələr: تورکی شعر, علی آقا واحد

[ جمعه سوم آبان ۱۳۹۲ ] [ 22:14 ] [ səhənd turan ]

[ ]

بیگانه یم...

چوخدا شمعین بزمینه ایللردی من بیگانه یم

هاردا بیر جانسیز ایشیق وار اوردا من پروانه یم

اول قدر باشدان ملامت داشینه توش اولموشام

سانکی مجنون دان نشان قالمیش سؤنن افسانه یم

ساقیا منع شراب ائتمه دولاندیر باده نی

کاسه ی صبریم جالانمیش،طالب پیمانه یم

شاهبازم چوخدا سینمیش بال پروازیم منیم

سانما بلبل تک بو گون پابند آب و دانه یم

ساتمیشام زاهد دئین جنّاتی جانان آلمیشام

نئیله مک عقلیم چاشیب زنجیرسیز دیوانه یم

آغ دئین لر قاره یه باج آلدیلار افلاکیدن

منده دوزگونلوک تاج ایلن حاکم ویرانه یم

هر سؤزوملن منله مین بیگانه اولموش آشنا

آشنایه بیلمیرم "عاصم" نه دن بیگانه یم...

 

عاصم اردبیلی


İşarələr: تورکی شعر, عاصم اردبیلی

[ چهارشنبه بیست و چهارم مهر ۱۳۹۲ ] [ 21:42 ] [ səhənd turan ]

[ ]

آریلار ،گول منم ،قونون اوستومه
مندن نه چکسنیز صاف چکرسینیز
باشینا گؤتورر عطریم دونیانی
سؤزون گولشنینده کئف چکرسینیز

دورنالار ،یئرلری گؤیلره قاتدیم
سیزینله اوچماغا هر گون جان آتدیم
ائله کی ،توپراقین آلتیندا یاتدیم
مزاریمین اوسته صف چکرسینیز

انسانلار، اوره ییم گؤزو تک مه لر
باشیم نه لر چکدی ،دونیادا نه لر
هانسی گون" زلیم خان "اؤلوب دئسه لر
او گون بیرجه دفعه اوف چکرسینیز.
.
.
.

Arılar, gül mənəm, qonun üstümə,
Məndən nə çəksəniz, saf çəkərsiniz.
Başına götürər ətrim dünyanı,
Sözün gülşənində kef çəkərsiniz.

Durnalar, yerləri göylərə qatdım,
Sizinlə uçmağa hər gün can atdım,
Elə ki, torpağın altında yatdım,
Məzarım üsründə səf çəkərsiniz.

İnsanlar, ürəyim quzu tək mələr,
Başım nələr çəkdi, dünyada, nələr,
Hansı gün Zəlimxan ölüb desələr,
O gün, bircə dəfə "of" çəkərsiniz...

زلیم خان یعقوب
Zəlimxan yaqub

İşarələr: تورکی شعر, زلیم خان یعقوب

[ جمعه دوازدهم مهر ۱۳۹۲ ] [ 23:11 ] [ səhənd turan ]

[ ]


 

موژده لرله گله جک دير

ايللر سنين آجيغينا.

داها الوان آچاجاقدير.

گوللر سنين آجيغينا.

 

غم ياغيشي ياغماياجاق،

کدر مني بوغماياجاق.

اينان کي، آغارماياجاق

تئللر سنين آجيغينا.

 

آرزولاريم دينه جک دير،

بخت اولدوزوم گوله جک دير.

دنيزلره دؤنه جک دير.

گؤللر سنين آجيغينا.

 

دئمه عشقيم سؤنه جکدير،

گله جک بير گؤره جک دير.

ائله مني سئوه جک دير

ائللر سنين آجيغينا

نصرت کسمنلی

az


Müjdələrlə gələcəkdir
illər sənin acığınıa
daha əlvan açacaqdır
güllər sənin acığınıa

Ğəm yağışı yağmayacaq
kədər məni boğmayacaq
inan ki,ağarmayacaq
tellr sənin acığınıa

Arzularım dinəcəkdir
bəxt ulduzum güləcəkdir
dənizlərə dönəcəkdir
göllər sənin acığınıa

Demə eşqim sönəcəkdir
gələcək bir görəcəkdir
elə məni sevəcəkdir
ellər sənin acığınıa

Nüsrət kəsəmənlı


İşarələr: تورکی شعر, نصرت کسمنلی

[ یکشنبه بیست و چهارم شهریور ۱۳۹۲ ] [ 23:25 ] [ səhənd turan ]

[ ]

 

گزیرم دونیانی قاریش،قاریش من

هر یئرده گؤرونور ایزلریم منیم

دئیرم گؤره‌سن هانسی آركاداش

اؤنجه ده بورادان گلیب،كچیبدیر؟.

پارچا،پارچا اولوب سپه لن میشم

دونیادا گونش كیمی من الن میشم

یاساقدا تورك دیلین ،

ساخلاماق اولماز

دوستاقلار قورمایین ائلیمه منیم.

سویدولار دریمی

كسدیلر قولوم

تونقاللار یاراندی تورك كیتابندان

گینه ده اؤنجه ده ایزلریم منیم.

"سارا"نی آتادان آلیب قاچدیلار

"نبی" نین دؤشونه گولله تاخدیلار

او بیری قارداشی دارا ساچدیلار

اؤلمدی دؤزوملو ملّتیم منیم...



İşarələr: تورکی شعر, آزربایجان

[ چهارشنبه بیستم شهریور ۱۳۹۲ ] [ 1:4 ] [ səhənd turan ]

[ ]

♥♥♥

بير قوجاق گول باغلاديم گؤز يولدا قالدي گلمه دين
عطريوي گاه درديگيم گوللردن آلديم گلمه دين
سن يوباندين انتظاردا سولدي بير بير گللريم
تئز سولان گوللر کيمي سولدوم سارالديم گلمه دين
باغريما سالديم سازي سنسيز دونن آخشام چاغي
آغلاييب بير آيريليق آهنگي چالديم گلمه دين..

♥♥♥

eshg

تکي اونون اوچون...


İşarələr: عشق, تورکی شعر, گلمه دین

[ جمعه پانزدهم شهریور ۱۳۹۲ ] [ 12:22 ] [ səhənd turan ]

[ ]

 

گل ائشــیت نئیــدن شــــكایت ائیـــله‌ییـر      آیــریْلیـقــــلاردان حــــكایت ائیــله‌ییــر 

 تا  قامیْــشلیقــــدان  اوزولـــدو  الفتیـــم       آغلادیْــب دونیانــیْ ســوْنسـوز محنـتیــم 

هجــردن ‌یانمــیْش اورك‌دیـــر ایستـه‌ییـم        اشتیـاقیْــن آغــر‌یْسیـــن تا سـؤیلـه‌ییـــم 

اؤز كؤكـوندن ‌كیمسـه ‌كیـم ‌دوشـدو  اوزاق     آختـــارار بیـــرلشمـــه‌یه داییـــم یـاراق

جمـعلــــرده آه و نالـــم سالـــدیْ ایـــز           موتلو هـم ‌موتسـوزلا ‌اوْلـدوم دیـز به ‌دیـز

یـار اوْلــور هـركس‌ منـه بیـر ظـنّ ایلـــن         یـوْخ ‌ایشـی ‌سینـه‌مـده اوْدلــو سیــررینـن

لیـك نالمـــدن دگیـــل سیْــرریــم اوزاق          گـؤرمه‌مـزلیـك ‌گـؤزلـره ‌اوْلمــوش‌ دوزاق

تـن روانــدان‌ جـان‌دا تنـــدن آیـریْ ‌یـوْخ           گؤرمـه‌یـه ‌جانـی ‌بو جیسمیـن‌ اذنـی ‌یـوْخ

نئــی‌ده‌كی نالــه دگیــل یئــل، اوْددور اوْد        بــو اوْدا اوْدلانمــایـان جنــدك‌دی‌ خــوْد

نئـی‌ده‌كی ‌اوْد مئـی‌ده‌كـی قایناقـدیْر عشـق     عشـق ‌دورغـونلوق ‌دگیـل‌ اوْیناقـدیْر عشق

نئیــدی یاردان آیــریْـلانــلار همـــدمـی           نئیــدی ییْـرتان نالـه‌ســی ایلـن پــرده‌نی

نئـی‌كیـمی ‌دردی، دوانـیْ ‌كیـم‌ گــؤروب        نئـی‌ده‌كی سیـزقیْن ‌نـوانی كیـم‌ گـؤروب

قانـلیْ‌ یوْللاردان ‌آچیْـر سـؤز اوْدلـو نئـی          اوْدلانـانـلاردان آچیْــر سـؤز اوْدلـو نئـی

بـوردا هـوش تاپماق باییْلماقـدیر گـؤزل           مست‌لیـك ایچــره آییْلـماقـدیـر گـؤزل

غصـه‌میـــزدن قــرنلـر قالـــدیْ ملـــر               سـوزونـان بیــرلشـدی آیـلار هفتــه‌لـر

گونلریم گئچدی قوْی اؤتسون عیبی یوْخ        قال‌گیْنـان سن ائی‌كی سنـدن غیـری یوْخ

گـون قاراتـدیْ عشقــدن پایسیْــز یقیـن           یانقـیْ‌سی سـؤنـدوْ بالیْقـدان غیـری‌نیـن

پیش‌می‌شیـن حالیْـن گـؤزل خام آنلاماز         قیْسسا گل خـامیْ یئتیش‌میـش دانـلامـاز

 

استاد حیدر عباسی"باریشماز"


İşarələr: حیدر عباسی, باریشماز, تورکی شعر

[ شنبه دوم شهریور ۱۳۹۲ ] [ 22:11 ] [ səhənd turan ]

[ ]

نه ایشیم وار!!!

az

ملت نئجه تاراج اولور اولسون،نه ايشيم وار

دوشمنلره محتاج اولور اولسون،نه ايشيم وار

سس سالما ياتانلار آييلار قوي هله ياتسين

ياتميشلاري راضي دئييلم كيمسه اوياتسين

تك تك آييلان وارسادا حق داديما چاتسين

من سالم اولوم جمله جهان باتسادا باتسين

ملت نئجه تاراج اولور اولسون،نه ايشيم وار

دوشمنلره محتاج اولور اولسون،نه ايشيم وار

سالما ياديما صحبت تاريخ جهاني

ايام سفل دن دئمه سؤز بيرده فلاني

حال ايسه گتير مئيل ائلييم دولماني ناني

مستقبلي گؤرمك نه گرك،عمردير فاني

ملت نئجه تاراج اولور اولسون،نه ايشيم وار

دوشمنلره محتاج اولور اولسون،نه ايشيم وار

اولاد وطن قوي هله آواره دولانسين

چركاب سفالت ده الي باشي بولانسين

دول عورت ايسه سائله اولسون،اودا يانسين

آنجاق منيم آوازه شانيم اوجالانسين

ملت نئجه تاراج اولور اولسون،نه ايشيم وار

دوشمنلره محتاج اولور اولسون،نه ايشيم وار

هر ملت ائدير صفحه دنياده ترقي

ائيلر هره بير منزل مأواده ترقي

يورقان دؤشه گيمده دوشه گر ياده ترقي

بيزده ائده ريك عالم رؤياده ترقي!!

ملت نئجه تاراج اولور اولسون،نه ايشيم وار

دوشمنلره محتاج اولور اولسون،نه ايشيم وار

 

 


İşarələr: تورکی شعر, میرزا علی اکبر صابر, ملت

[ سه شنبه بیست و یکم خرداد ۱۳۹۲ ] [ 13:54 ] [ səhənd turan ]

[ ]

VAR Kİ!!!

Zaman-vaxtın axını.

Uzaq etmə yaxını,

Görmədiyi yuxunu

O qədər yozan var ki!!

 

Qoç bilib quzusunu.

Gizlədib ruzusunu.

Özgənin yazisını

O qədər pozan var ki!!

 

Ümid-uzaq bir çıraq,

Ömür yazan bir varaq.

Ayağin altına bax,

O qədər qazan var ki!!

 

Kaman saxlamır oxu.

Çiçək gözündə qorxu.

Güllər neyləsin axı,

O qədər üzən var ki!!

 

Sən saxla gözünü tox.

Sındırma üzünü çox.

Aclığa dözümün yox,

O qədər dözən var ki!!

 

Şeytan bicliyi pulda,

Dovuşan qorxusu kolda,

Əzbər bildiyi yolda,

O qədər azan var ki!!

 

Ağlama için-için,

Ayrıl içindən köçün.

Həqiqət gəzən üçün

O qədər düzən var ki!!

 

ŞAYİR: NÜSRƏT KƏSƏMƏNLI

az 


İşarələr: تورکی شعر, نصرت کسمنلی, آذربایجان

[ سه شنبه هفتم خرداد ۱۳۹۲ ] [ 19:10 ] [ səhənd turan ]

[ ]

آلدانما - اینانما
یا رب، جانا گلدیم، بو یالان سؤزلر الیندن
سیرتیق، حیاسیز، بیر پارا شوخ گؤزلر الیندن

مین فیرتانا قووزاندیران هر قالیبه دوشموش
قانلار تؤکن، ائولر داغیدان سؤزلر الیندن

تئز وئر اوزومون اؤرتوگون، آل جانیمی، قورتار
یارب اوزه گیرمیش، حیاسیز اوزلر الیندن

باطینلری دوزلر، دئیه بیلمز کی یالان سؤز
ای وای بو یامان ظاهری خوش دوزلر الیندن

یوز یول دئمیشم اؤز-اؤزومه سن ده اوتانما
آلدانما، اینانما حذر ائت هیزلر الیندن

بیر یول، ایکی یول بس دئییل اون یول؟ داها بسدیر
سايدیقجا خجالت چکیرم یوزلر الیندن

یالقیز نه دیر علّت، نییه دوزلر باشارانمیر
نئیلیر چیخادانمیر ایشی نادوزلر الیندن

شاعیر: یالقیز


İşarələr: تورکی شعر, یالقیز, حمید صباغ ایرانی

[ جمعه سوم خرداد ۱۳۹۲ ] [ 12:54 ] [ səhənd turan ]

[ ]

شیدایی-وطن دیر...



کؤنلوم یئنه بولبول کیمی شیدایی-وطن دیر،
مجنون ائدن عاشیق لری لئیلایی-وطن دیر.

یوزلرله گؤزل عاشیقی اولسام دا من،امّا
قلبیم یئنه ده عاشیقی- سئودایی- وطن دیر.

دونیایه گؤزللیک وئرن، البتّه، گونش دیر،
اونداندا گؤزل خلقه تجلّایی- وطن دیر.

قویماز بو مقدّس یئره بیگانه توخونسون،
هرکس کی،صداقتلی دیر،ابنایی-وطن دیر.

تعریفی-بهشت ائیلمه سین خلقیمه هئچ کس
جنّت ده، بهشت ده بیزه صحرایی-وطن دیر.

واحید،ائله ظّن ائیله کی،من یوسیفی-عصرم،
معشوقه منه عشقی -زولیخایی- وطن دیر

شاعیر: واحید


İşarələr: تورکی شعر, علی آقا واحد

[ چهارشنبه بیست و هشتم فروردین ۱۳۹۲ ] [ 22:12 ] [ səhənd turan ]

[ ]

Darixacaqsan

Mənsizlik həsrəti yoracaq səni

Həsrətim ilan tək vuracaq səni

Günahlar şüşə tək qiracaq səni

O,zaman sən mənsiz darixacaqsan

 

Səni məhv edəcək qəlbinin səsi

Düşəcək üstünə həsrət kölgəsi

Əlindən tutanda yad bir özgəsi

O,zaman sən mənsiz darixacaqsan

 

Bilirəm bu şeylər olacaq bir gün

Sənin də günlərin solacaq bir gün

Əzrail canimi alacaq bir gün

O,zaman sən mənsiz darixacaqsan

 

"GÜNƏL"


İşarələr: تورکی شعر

[ یکشنبه چهارم فروردین ۱۳۹۲ ] [ 17:24 ] [ səhənd turan ]

[ ]

...Yeni il Bayamınız mübarək olsun...

Noruze 91.jpg

سلاملار..

اوّل ده قاباقجادان یئنی ایل بایرامی مناسیبتی له سیزلری تبریک ائدیرم..

آللاه دان سیزلره جان ساغلیغی و گؤنول خوشلوغو دیله ییرم..

بیر چوخ وب سیته لرین دولاندیم آمما هئچ بیر شعیر، بو شعیر کیمی منیم ماراغیمی قازانا بیلمه دی..

امید کی سیز ده بو شعیری اوخویوب و اونون یازانین، یادداشلاریزدا ساخلیاسیز..

شهریارین یادیلا...

Bayram yeli çardaqlari yıxanda

Novruz güli,qar çiçəgi çıxanda

Ağ bulutlar köynəklərin sıxanda

Bizdən də bir yad eliyən sağ olsun

Dərdlərimiz qoy dik lənsin dağ olsun

 

Bayramıdi, gecə quşi oxurdi

Adaxlı qız, Bəy corabın toxurdi

Hər kəs şalın bir bacadan soxurdi

Ay nə gözəl qaydadi şal sallamaq

Bəy şalına bayramlığın bağlamaq

 

şal istədim, mən də evdə ağladım

Bir şal alıb tez belimə bağladım

ğulam gilə qaşdım şali salladım

Fatma xala mənə corab bağladi

Xan nənəmi yada salıb ağladi

 

Bayam olub qızıl palçıq əzəllər

Naqış vurub, otaqlari bəzəllər

taqçalarda düzmələri düzəllər

qız-gəlinin Fındıqçasi, Hənasi

Həvəs lənər Anasi, qeynanasi

 

Baki çının sözi, sövi, kağızi

Inək lərin bulamasi, ağızi

çəənbənin girdəkani, məvizi

Qızlar diyər: atıl matıl çəənbə

Ayna təkin bəxtim açıl çəənbə

Şəhriyar

پی نوشت:

شاید بعضیا ندونند که "مویز" به به چی میگن!!!

باید بگم مظور کشمش سیاه هستش..

البته خوندنش با لاتین خیلی راحتتره..

برای خوندن شعر با الفبای عربی به ادامه مطلب سربزنید..

مرسی از حضورتون...


İşarələr: نوروز بایرامی, شهریار, تورکی شعر, ایل بایرامی, عید نوروز
ARDI VAR

[ پنجشنبه بیست و چهارم اسفند ۱۳۹۱ ] [ 1:37 ] [ səhənd turan ]

[ ]

Biganələr gülsün mənə

Axir ağlatdın məni,biganələr gülsün mənə

Şəmı tək yaxdın məni,pərvanələr gülsün mənə

 

Məndə yalvarram gözüm yaşilə piri-meykədə

Eylə məst etsin məni,məstanələr gülsün mənə

 

Pərtüye-xurşidi-ruyin,came mey içrə görüb

Ağlaram,qoy dörədə peymanələr gülsün mənə

 

Qorxuram,sirri-dəhanin mey içib faş eyliyəm

Məst olan kim,arifi-meyxanələr gülsün mənə

 

Bağla o zənciri-zülfünlə məni-sərgəştə ni

Qoyma kim,səhraneşin-divanələr gülsün mənə

 

Leyli vəş zülfündən ayri istirəm məcnun olam

Qoy eşitsin bu sözu,Fərzanələr gülsün mənə

 

Yıxa bilməzdi,fələk olsaydi,yıxdı hicri-yar

Vahidəm,qoy sakini viranələr gülsün mənə

 

Şair: VAHİD


شعر با الفبای عربی در ادامه مطلب...


İşarələr: علی آقا واحید, تورکی شعر, şeir, vahid, sevgi
ARDI VAR

[ یکشنبه بیستم اسفند ۱۳۹۱ ] [ 13:7 ] [ səhənd turan ]

[ ]

Ağlatdi Məni

Sənsiz ey gül,demə biqanələr ağlatdi məni

Bəzi uydurmalar,əfsanələr ağlatdi məni

 

Ağladib özgə pərişan edə bilməzdi məni

Zülfünə məhrəm olan şanələr ağlatdi məni

 

Şəm tək göz yaşim axmazdi ğəmindən gecələr

Döri - rüyündəki pərvanələr ağlatdi məni

 

Könlümün gördüm o zülf içrə əsir olduğunu

Sanki zənciridə divanələr ağlatdi məni

 

Min xəyal eylər idim gözlərinin şöqi ilə

Yad edərkən səni məstanələr  ağlatdi məni

 

Sənsiz ey gül,nə mey içtimsə,gözümdən gəldi

Döndü qan rənginə peymanələr ağlatdi məni

 

Vahid,Aləmdə təki eşq evi abad olsun

Hər zaman məscidi-viranələr ağlatdi məni

 Ali aqa Vahid

شعر با الفباي عربي در ادامه مطلب...


İşarələr: تورکی شعر, علی آقا واحد
ARDI VAR

[ چهارشنبه شانزدهم اسفند ۱۳۹۱ ] [ 18:47 ] [ səhənd turan ]

[ ]

 

 ..Busə..

Bir busə təmənna elədim yar naza qoydu

qişdir dedi vəveyi  vəslin yaza qoydu

bilməm məni görcək niyə sürətlə süruşti

yalvardim əyaq turmuza qoysun qaza qoydu

lütf eylə dedim qoyma bu eşqin közi sönsün

çönbəldi bir az mücməre eşqə aza qoydu

israr elədim lütfüvi artir bu həqirə

çoxluq dedi poxluqdi bənasin aza qoydu

könlüm quşun əzəl;özi pərvazə gətirdi

sonra məni mərc eyliməyə quşbaza qoydu

ahim dalisican o qədər keş tək ucaldi

ölçüb hesabin saxlamaqi Bəzzaza qoydu

bərkidi ətim pişmədi eşqin ocaqinda

basdirdi külə pişməgimi aşbaza qoydu

Sadiq bu ğəzəldən iki beyt eylədi inşa

lütf eylədi şeirin dalin Asim yaza qoydu

Ustad Asim Ardəbili

شعر را با الفبای عربی در ادامه مطلب بخوانید..

تشکرلر...

"احمد اسدی"


İşarələr: بوسه, عاصم اردبیلی, عشق, تورکی شعر
ARDI VAR

[ پنجشنبه دهم اسفند ۱۳۹۱ ] [ 16:16 ] [ səhənd turan ]

[ ]

Olmuşam

Ta yüzün gördüm,niqara,ğəmdən azad olmuşam

qulluğunda,padişaham,hüsnünə şad olmuşam

gəlmişəm didarinə ta canimi qurban edəm

ey dodaği cane şirin,gör nə Fərhad olmuşam

Tapdi eşqin könlüm içrə haqqə layiq bir məqam

gör nə ali vəchilə mehrində bünyad olmuşam

Ta cəmalin məshəfindən oxuram səbolməsani

Səb,ə xanəm,hafizəm,quranda ustad olmuşam

Mən Iraq içində gəzdim bir müvəhhid görmədim

aşiqe Misrəm,yenə müştaqe Bəğdad olmuşam

qulluğundan ta irağ etdi məni döre fələk

həsrətindən mən ğulam sərve azad olmuşam

Çün səni gördi Nəsimi diyər be avaze bülənd

eşqilə mən aşinayəm,əqlilə yad olmuşam

 

اولموشام

تا یوزون گؤردوم، نگارا، غمدن آزاد اولموشام

قوللوغوندا،پادشاهم،حسنونه شاد اولموشام

گــــلمیشم دیـــدارینه تا جـانیمی قــوربان ائدم

ای دوداغی جان شیرین، گؤر نه فرهاد اولموشام

تاپدی عشقین کونلوم ایچره حقه لایق بیر مقام

گؤر نه عالی وجه ایله مهرینده بنیاد اولموشام

تا جمالین مصحفیندن اوخورام سبع المثانی

سبعه خوانم، حافظم، قرآندا استاد اولموشام

من عراق ایچینده گزدیم بیر موحد گؤرمه دیم

عاشق مصرم، یئنه مشتاق بغداد اولموشام

قوللوغوندان تا ایراغ ائتدی منی دور فلک

حسرتیندن من غلام سرو آزاد اولموشام

چون سنی گؤردی نسیمی دئر به آواز بلند

عشقله من آشنایم،عقلیله یاد اولموشام

"عمادالدین نسیمی"


İşarələr: تورکی شعر, نسیمی

[ یکشنبه بیست و دوم بهمن ۱۳۹۱ ] [ 23:0 ] [ səhənd turan ]

[ ]

       ƏSKİ YAZILAR >>

، ،