تورکی شعر
YAŞASIN AZƏRBAYCAN
 
نوشته شده در تاريخ دوشنبه دهم فروردین ۱۳۹۴ توسط احمد |

درک ائتمه دیییم مین جوره حالت وار ایچیمده

عشقیمله یاشید بیر یئنی فطرت وار ایچیمده

 

اؤز بورجوم ایله حاققیمین ایـللر ســاواشیندان

مـــردانه چیخان حــاکم عــدالت وار ایــچیمده

 

بعضا ده اولور، حـاققیمین اؤز حـاق ظفــریندن

قــورخوب چکینن غملی خجالت وار ایــچیمده

 

دردیمله ده دونیانی نه دن خــوش گؤرورم من

اؤلــمز، ابــدی تشنه لی حــیرت وار ایـچیمده

 

رؤیــالارا، خــولیالارا مــین یـــول قــاناد آچـدیم

گؤردوم، نئچه انگل، نئچه سـرحد وار ایچیمده

 

هر یــئرده گـؤزللیک گـــؤرورم، بــختیارام مــن

دونــیانی گـــؤزللشدیرن آفـــت وار ایـــچیمده

 

بــختیار وهـــابزاده


برچسب‌ها: تورکی شعر, بختیار وهابزاده, شعر ترکی, bəxtiyar vahabzadə
نوشته شده در تاريخ چهارشنبه پنجم فروردین ۱۳۹۴ توسط احمد |

قاییت..

سن گئتدین عؤرومدن ایلک باهار کیمی

چیچکلر چمنه چیخاندا قاییت

حسرتین لئیسانی تؤکنمز داها

بولودلار گؤزونو سیخاندا قاییت

 

بیر سئوگی گؤرمه دیم غم سیز، جفاسیز

هجرانین آغیردی، دردین دواسیز

بیلمه دین قدریمی سن آی وفاسیز

حسرتین سونوما چیخاندا قاییت

 

بویلاندیم آرخانجا من سؤزلو- سؤزلو

گاه آشکار آغلادیم، گاه دا گیزلی

یئرینی بوش گؤروب بیر ملک اوزلو

سئوگی ایله اوزومه باخاندا قاییت

 

اویما، هر نادانین سؤزونه اویما

آپار اوره ییمی کس قییما- قییما

منی یوردسوز قویما، یوواسیز قویما

آیریلیق ائویمی ییخاندا قاییت

 

آدیم کی، آدینلا قوشادیر سنین

بیلمزدیم اوره یین داشداندیر سنین

هله کی، امیدلر یاشادیر سنی 

تنهالیق قلبیمی سیخاندا قاییت

 

نصرت کسمنلی

حئیف او سئوگی یه مجموعه سیندن


برچسب‌ها: تورکی شعر, نصرت کسمنلی, سئوگی, سن گئتدین عؤمرومدن, حئیف او سئوگی یه
نوشته شده در تاريخ پنجشنبه بیست و یکم اسفند ۱۳۹۳ توسط احمد |

GÜN BATMAQ ÜÇÜN

 

Sən mənə gərəksən hər saat, hər gün

Tanrı tək bəndəni yaşatmaq üçün

Sən mənə gərəksən, mənim könlümün

Uyuyan könlünə daş atmaq üçün

 

Özümlə əbədi davamsan mənim

Günəşim, yağışım, havamsan mənim

Mən dağam, dumanlı zirvəmsən mənim

Şərəfdir, şöhrətdir zirvə, dağ üçün

 

Torpaq son yuvadır, toptaq son binə

Dedim toprağımsan, gəldim səcdənə

Ömrümün son çağında əyildim sənə

Əyilər toprağa gün, batmaq üçün

 

Bəxtiyar Vahabzadə


برچسب‌ها: تورکی شعر, بختیار وهابزاده, گون باتماق اوچون, bəxtiyar vahabzadə
نوشته شده در تاريخ سه شنبه دوازدهم اسفند ۱۳۹۳ توسط احمد |

اوزون اوزون یوللارا، بویلانارام باخارام

سئوگیلین هاواسیندا هئی اریی ییب آخارام

سفیل سفیل باغیرما، اودلار یوردوندانام من

ابدیّت چراغین یاندیرارام یاخارام

***

ایگیدلیک عالمینده ایللردیر کی یاشیرام

انسانلیغین یولوندا، هئی دولورام داشیرام

ال دوتورام علی دن قوچاقلیق قسمتیم دیر

شن حیاتین یازیندا یئنی ماهنی قوشورام

***

کوراوغلو قاچاق نبی، یوردومدا ایز سالارکن

قارتال کیمی اوچمادا، زیروه لری آلارکن

قوچ بابکین هوسی، ستارخانین نفسی

قورقود دده نین سسی تاریخ بویو قالارکن

***

آغیر آغیر تحقیره، نئجه دؤزوم داغلییام

الیم قولوم دالیمدان، نئینه مه لی باغلییام

گؤزلریمین اؤنونده، چیپچالانیر آرزیلار

بودور منیم سون سؤزوم، آزربایجان اوغلویام

***

قلم آلیرسام اله، ائل دردینی یازارام

هر گئجه بایقوشلارا، درین قویو قازارام

محبّت یولچوسویام، آختاریرام سحری

یاپیش یاپیش الیمدن، قارانلیقدا آزارام

 

"رضا قاسم پور"رون "یاکریم" شعر مجموعه سیندن


برچسب‌ها: تورکی شعر, رضا قاسم پور, محبت یولچوسو, آزربایجان اوغلویام
نوشته شده در تاريخ سه شنبه بیست و هشتم بهمن ۱۳۹۳ توسط احمد |

...گله جک ده واخت اولورسا عرب الفباسیندا پایلاشارام

 

Bizə nə? Mirzə Ələkbər Sabir

 

Gər bu il xəlqi təbah etdi giranlıq, bizə nə?!

Tapmayır ac-yalavaclar güzəranlıq, bizə nə?!

Biz məgər aclara vəqf eyləmişik malımızı?

Ta ki, hər müstəhəqə bəzl edək əmvalımızı?

Biz müraat edərik ancaq öz əhvalımızı,

Daima bəsləyərik naz il ətfalımızı;

Atasız tiflləri basdı poranlıq, bizə nə?!

Tapmayır ac-yalavaclar güzəranlıq, bizə nə?!

Bu da sözdürmü, qazandıqlarımız parələri

Hey verək boğmalasın Zəngəzur avarəəri?

Bizlərə dəxli nədir, – yoxdur əgər çarələri

Qoy ağarsın füqəra gözlərinin qarələri!

Çəksin onlar gecə-gündüz nigəranlıq, bizə nə?!

Tapmayır ac-yalavaclar güzəranlıq, bizə nə?!

Boşla, ay Molla dayı, sən də bizi çəkmə zora!

Biz sənin hiylən ilə düşmərik əsla bu tora!

Baxmarıq güşeyi-çeşm ilə daha Zəngəzura!

Qarlı dağlarda soyuqdan ölənin canı gora!

Olmadı qismət o bədbəxtə aranlıq, bizə nə?!

Tapmayır ac-yalavaclar güzəranlıq, bizə nə?!

Bizə göstərmə, əzizim, o qəm oynaqlarını,

Yazda çox gəzmişik al güllər açan dağlarını,

Yığmışıq, dəhyekini, boşlamışıq bağlarını,

Qış üçün xoşlamışıq Tiflis oyuncaqlarını;

Çulğayıb Zəngəzuru indi boranlıq, bizə nə?!

Tapmayır ac-yalavaclar güzəranlıq, bizə nə?!

Hələlik tullamışıq xaneyi-viranələri,

Dolanıb kişvəri-Tiflisdə kaşanələri,

Tapdıq axır Lizalartək neçə cananələri,

Çilçiraqlarla işıqlandırırıq xanələri,

Zalxalar daxmasına çökdü qaranlıq, bizə nə?!

Tapmayır ac-yalavaclar güzəranlıq, bizə nə?!


برچسب‌ها: تورکی شعر, میرزا علی اکبر صابر, گرانی
نوشته شده در تاريخ پنجشنبه شانزدهم بهمن ۱۳۹۳ توسط احمد |

دلی کؤنول

 

vətən

 

دلی کؤنول، گل ایلنمه غربت ده

بیر گون اولور وطن دئییب آغلارسان

یادلار ایله عؤمور چورور حسرت ده

بیر گون اولور وطن دئییب آغلارسان

 

یاخشی گونده یاری-یولداش چوخ اولور

یامان گونده هئچ بولونماز، یوخ اولور

یاد ائللرین طعنه سؤزو اوخ اولور

بیر گون اولور وطن دئییب آغلارسان

 

من گؤرموشم بو غربتین دادینی

یانیب-یانیب چوخ چکمیشم اودونو

غمله نیرسن هر گؤرنده شادینی

بیر گون اولور وطن دئییب آغلارسان

 

اوخودوقجا غمگین شعری-غزلی

کهنه یارالارین بیر-بیر تزه لی

یادا دوشر کئچن گونون ازلی

بیر گون اولور وطن دئییب آغلارسان

 

یادا دوشر باغچالارین، باغلارین

آلا قارلی، بوز دومانلی داغلارین

قوجالارسان کئچر جاوان چاغلارین

بیر گون اولور وطن دئییب آغلارسان

 

کئچن گونو بیر- بیر خیال ائیلرسن

دولار غم کؤنلونه ملال ائیلرسن

گلن دن- گئدن دن سوال ائیلرسن

بیر گون اولور وطن دئییب آغلارسان

 

هر مزارا دوشر اولسا گزارین

یادا دوشر آتا- آنا مزارین

ویدادی خسته تک آرتار آزارین

بیر گون اولور وطن دئییب آغلارسان

 

"ملا ولی ویدادی"


برچسب‌ها: تورکی شعر, ملا ولی ویدادی, وطن شعری, شعر ترکی, غربت
نوشته شده در تاريخ یکشنبه دوازدهم بهمن ۱۳۹۳ توسط احمد |

Göz Yaşları

Arazın üstündə qədim körpülər

Bizim babaların yaddaşlarıdır

O qara qızıldan işıq çıxaran

Xəzərdə calışan neftdaşlarıdır

Eeməni əliləşəhid olanlar

Atamın, anamın qardaşlarıdır

Daha yağış deyil göydən tökülən

Şəhid anasının göz yaşlarıdır

Sorma ürəyimdən asılan nədir

Şəhid olanların başdaşlarıdır

Bürüyüb ömrümü ayrılıq dərdi

O uzun ömürlərin sırdaşlarıdır

Vuruldu məmmədli Təbriz, Bakıya

O taylı, bu taylı dildaşlarıdır


İsmayıl Məmmədli


برچسب‌ها: اسماعیل ممدلی, تورکی شعر, آزربایجان, وطن شعری
نوشته شده در تاريخ چهارشنبه یکم بهمن ۱۳۹۳ توسط احمد |

بو دونیادا ابدی لیک نه وار کی

عؤمور کیمی هر شئی گلدی گئدرمیش

نه سئوگینین گوناهی وار، نه بیزیم

بو سئوگینین عؤمرو بورا قدرمیش

 

مجنون آهی، لیلی نین گؤز یاشلاری

نه بیله یدیک افسانه یمیش، هدرمیش

غم ائیله مه، هر یولون بیر سونو وار

بو سئوگینین عؤمرو بورا قدرمیش

 

گوله گوله باشلامیشدیق بو عشقی

آخیریندا گؤز یاشی یمیش، کدرمیش

محبّتین پاییز فصلی وار ایمیش

بو سئوگینین عؤمرو بورا قدرمیش

 

آیریلیریق خاطره لر ایچینده

بو آیریلیق اؤلومدن ده بترمیش

تسلّیمیز بو اولاجاق سئوگیلیم

بو سئوگینین عؤمرو بورا قدرمیش

 

نصرت کسمنلی

 

Bu dünyada əbədilik nə var ki,
Ömür kimi hər şey gəldi-gedərmiş
Nə sevginin günahı var nə bizim
Bu sevginin ömrü bura qədərmiş.

Məcnun ahı, Leylinin göz yaşları
Nə biləydik əfsanəymiş, hədərmiş
Qəm eyləmə, hər yolun bir sonu var
Bu sevginin ömrü bura qədərmiş.

Gülə-gülə başlamışdıq bu eşqi
Axırında göz yaşıymış, kədərmiş
Məhəbbətin payız fəsli var imiş
Bu sevginin ömrü bura qədərmiş.

Ayrılırıq xatirələr içində
Bu ayrılıq ölümdən də betərmiş
Təsəllimiz bu olacaq, sevgilim
Bu sevginin ömrü bura qədərmiş...


برچسب‌ها: تورکی شعر, نصرت کسمنلی, سئوگی, عشق
نوشته شده در تاريخ سه شنبه بیست و سوم دی ۱۳۹۳ توسط احمد |

 

ای کؤنول، اول شوخه جانان من دئمزدیم، سن دئدین

جان بئله جانانه قوربـان مـن دئمـزدیـم، سـن دئـدیـن

کیم بیلیردی لعل ِ جانـانیـن صفـابخـش اولـدوغـون؟

بؤیله سیرّی خلقه پنهان مـن دئمـزدیـم، سـن دئـدیـن

نـاز ایلـه میـن جـان آلان مـه رولـریـن گــول لبلــریــن

عاشیقین دردینه درمان مـن دئمـزدیـم، سـن دئـدیـن

مه اوزون خورشیـده بنـزتـدیـم، هـلالـه قـاشـلاریـن

وار سنین فیکرینده نقصان، من دئمزدیم، سن دئدیـن

هـر گـول اوزلـو دلبـریـن دوشمــه خیــالِ زولفــونــه

قلبینـی ائیلـر پـریشـان، مـن دئمـزدیـم، سـن دئـدیـن

عصـری گـؤرمـور، اینـدی ده جنّـت تمنـاسینـدادیــر

زاهیـدِ بـی ذوقـه نـادان مـن دئمـزدیـم، سـن دئـدیـن

زلفِ جاناندان ال اوزموش، سانکی بیر دیـوانـه دیـر

واحدین حاقیندا بؤهتـان مـن دئمـزدیـم، سـن دئـدیـن 

 

"علی آقا واحد"


برچسب‌ها: تورکی شعر, علی آقا واحد, شعر عاشقانه ترکی
نوشته شده در تاريخ چهارشنبه هفدهم دی ۱۳۹۳ توسط احمد |

هجران گئجه سی 

 

یا رب دخیلم، روح و روانیم گئدیر الدن

یومماقدا گؤزوم، دور و زمانیم گئدیر الدن

کؤنلوم قوشو قارتال کیمی اوج آلمادادیر، گل

یالقیزلامیشام، راحت و جانیم گئدیر الدن

یایلاقدان اوچوب قیشلاغا قوندوم سنه خاطیر

کروانیم ایتیب، سرو چمانیم گئدیر الدن

تنها گئجه لر سؤیکه نیرم داغ- داشا سن سیز

دیلدن دوشورم، تاب و توانیم گئدیر الدن

بیرلیکده سنین له ائله بیل دونیا منیم دیر

هجران گئجه سی، شوکت و شانیم گئدیر الدن

غم ساحلی یم، آرزیلاریم باتدی دنیزده

بیر آنلی آچیق، تازه جوانیم گئدیر الدن

کؤنلوم قوشو دای سیغماییری جسمیمه، هوهو

روحوم بولانیب، نام و نشانیم گئدیر الدن

 

"رضا قاسم پور"


برچسب‌ها: تورکی شعر, رضا قاسم پور, سئوگی, شعر عاشقانه ترکی, هجران گئجه سی
نوشته شده در تاريخ شنبه سیزدهم دی ۱۳۹۳ توسط احمد |
گؤزل دیر


پاییز کؤوره له ده ندیر، باهار جوشدوران،
منی سرت ائله‌یه‌ن قیش دا گؤزل دیر،
اوره‌یین داشدیمی دئمه، ای انسان،
دویماغی باجارسان، داش دا گؤزل دیر،

بیر گؤزل چیخاندا چمه‌نه، دوزه،
فکر وئر یاناغا، نظر سال اوزه،
گؤزل لیک باخارمی ایری یه، دوزه ؟
دئمه کی، ایریدی قاش دا گؤزل دیر،
 
«زلیمخان» اولماسین نه آه، نه آمان،
آغریدان آغلاماق یاماندیر، یامان،
سئوینجین قلبینی دولدوران زامان،
یاناق دان سوزوله‌ ن یاشدا گؤزل دیر

 

زلیم خان یعقوب


برچسب‌ها: تورکی شعر, زلیم خان یعقوب, شعر ترکی
نوشته شده در تاريخ یکشنبه هفتم دی ۱۳۹۳ توسط احمد |

Gönül derdi coşur yene
Coşur, aşır, daşır yene
Deli ürek çaşır yene
Yene yaman darıxıram

Neler yazmış yazı yazan
Talehimi Başdan pozan
Feryade yet deli ozan
Yene yaman darıxıram

Dağıt simler üste qemi
Çal vağzalı çal keremi
Dile gelsin ejder emi
Yene yaman darıxıram

Qurbet ağır ,qurbet yorqun
Veten yara, veten pozqun
Gönlüm gibi hava dolqun
Yene yaman darıxıram

Nefes donur bu halımdan
Umut susur ehvalımdan
Güneş doğmur xeyalımdan
Yene yaman darıxıram

Şiir : Şerife Caferi


برچسب‌ها: تورکی شعر, شریفه جعفری, سئوگی, شعر ترکی
نوشته شده در تاريخ جمعه بیست و هشتم آذر ۱۳۹۳ توسط احمد |
آغیز یئمیشی...

بیر گون آغیز قالار بوش
بیر گون دولو داد اولار
گون وارکی هئچ زاد اولماز
گون وارکی هر زاد اولار
بختین دورا باخارسان
یادلار قوهوم قارداشدی
آمما  بختین  یاتاندا
قوهوم  قارداش  یاد  اولار
چالیش آدین گلنده
رحمت اوخونسون سنه
دونیادا  سن دن  قالان
آخیردا  بیر آد اولار
گؤردون ایشین اییلدی
دورما ،اکیل،گؤزدن ایت
دوستون گؤره ر داریخار
دوشمن گؤره ر شاد اولار

"شهریار"

 

Ağız yemişi

 

Bir gün ağız qalar boş

Bir gün dolu dad olar

Gün var ki heç zad olmaz

Gün var ki hər zad olar

Bəxtin dura baxarsan

Yadlar qohum qardaşdı

Amma bəxtin yatanda

Qohum qardaş yad olar

Çalış adın gələndə

Rəhmət oxunsun sənə

dünyada səndən qalan

Axırda bir ad olar

Gördün işin əyildi

Durma,əkil,gözdən it

Dostun görər darıxar

Düşman görər şad olar

 

SHahriyar


برچسب‌ها: تورکی شعر, شهریار, آغیز یئمیشی, شعر ترکی, تورکو شعر
نوشته شده در تاريخ چهارشنبه دوازدهم آذر ۱۳۹۳ توسط احمد |

آزربایجانیم


ظالیمین قارشیندا وقارلا دوردون
شاه لارا بیرینجی ضربه نی ووردون
آزادلیق قورقوسون وطن ده قوردون
ستّارخان آلایلی آزربایجانیم
**
اوجالدی باکیمدان آزادلیق سؤزو
تبریزین اوره ک ده آلووو، کؤزو
اویانیر ساوالان،مغان، میل دوزو
آرازلی، کور چایلی آزربایجانیم
**
یاد ائللر وحشی جه باسقین ائدنده
جاوانلار،قوجالار سورگون گئدنده
تولکولر آسلانین توکون دیدنده
گونلری آه - وایلی آزربایجانیم
**
بؤلوندون ایکی یه،سیندی اوره یین
اودور کی بوکولوب بئلین، کوره یین
شیرین دیر،حلال دیر دوزون،چؤره یین
او تایلی، بو تایلی آزربایجانیم
**
ممدلی وورولوب سنین آدینا
سالاراق تاریخی ائلین یادینا
چاغیریر بیزلری حق فریادینا
حق سؤزلو، هارایلی آزربایجانیم
...

 

Azərbaycanım
Zalımın qarşında vüqarla durdun
Şahlara birinci zərbəni vurdun
Azadlıq qurqusun Vətəndə qurdun
Səttarxan alaylı Azərbaycanım

Ucaldı Bakımdan Azadlıq sözü
Təbrizin ürəkdə alovu, közü
Oyanır Savalan, Muğan, Mil düzü
Arazlı, Kür çaylı Azərbaycanım

Yad ellər vəhşicə basqın edəndə
Cavanlar, qocalar sürgün gedəndə
Tülkülər aslanın tükün didəndə
Günləri ah-vaylı Azərbaycanım

Bölündün ikiyə, sındı ürəyin
Odur ki, bükülüb belin, kürəyin
Şirindir, halaldır duzun, çörəyin
O taylı, bu taylı Azərbaycanım

Məmmədli vurulub sənin adına
Salaraq tarixi elin yadına
Çağırır bizləri haqq fəryadına
Haqq sözlü, haraylı Azərbaycanım


برچسب‌ها: اسماعیل ممدلی, شعر ترکی, تورکی شعر, آزربایجان, وطن شعری
نوشته شده در تاريخ شنبه یکم آذر ۱۳۹۳ توسط احمد |
 

سن منی اونودا بیلمه یه جک سن!!

 

تورکی شعرسن سیز ائله بیلمه اؤله جه یه م من
قارا بیر کدره دؤنه جه یه م من
گئجه لر یوخونا گله جه یه م من
سن منی اونودا بیلمه یه جک سن

عمرونده ناراحات ایزیم قالاجاق
آلووم سؤنسه ده کؤزوم قالاجاق
آرخانجا همیشه گؤزوم قالاجاق
سن منی اونودا بیلمه یه جک سن

سن ائله بیلمه کی غمدن اوزاقسان
عمرونو گونونو اودوزاجاقسان
اؤزونو بلکه ده اودوزاجاقسان
سن منی اونودا بیلمه یه جک سن

منی اونوتماغا عینادین کیمی
ایلک سئوگی آغریسی ، فریادین کیمی
لاپ اؤز آدین سوی آدین کیمی
سن منی اونودا بیلمه یه جک سن

نصرت کسمنلی

 


برچسب‌ها: تورکی شعر, نصرت کسمنلی, سئوگی, شعر ترکی
نوشته شده در تاريخ جمعه بیست و سوم آبان ۱۳۹۳ توسط احمد |
 من قالدیم...

 


برچسب‌ها: تورکی شعر, سئوگی, شعر ترکی
نوشته شده در تاريخ پنجشنبه پانزدهم آبان ۱۳۹۳ توسط احمد |

چاغیر

سنه اوز وئرسه کدر، مجلسه جانانی چاغیر

دوداغی غنچه لی، او گؤزلری جئیرانی چاغیر

بقیه در ادامه مطلب...


برچسب‌ها: تورکی شعر, سلیمان رستم, سئوگی شعری, عشق, süleyman rüstəm

ادامه مطلب...
نوشته شده در تاريخ جمعه نهم آبان ۱۳۹۳ توسط احمد |

...کاش کی

aşk

نه لر، نه لر یادا دوشدو

خاطیره لر اودا دوشدو

او گونلردن قلبیمیزه

قورخولو بیر صدا دوشدو

گؤرمه یه یدیم کاش کی، سنی

*

باهار گلدی قیش ائوینه

بو کؤچه ری قوش ائوینه

او واخت ناشی بنّا کیمی

یادداشیمین داش ائوینه

هؤرمه یه یدیم کاش کی، سنی

*

کوله دؤنموش اود - اوجاقسان

بلکه بئله قالاجاقسان

اوندا اوشاق دئییلدیم کی

بیلیردیم کی، سولاجاقسان

درمه یه یدیم کاش کی، سنی

*

هیجران گلدی سینه - سینه

گونلر اؤتدو سنه - سنه

بیر گولداندا ساخلایایدیم

اؤز الیمله اؤزگه سینه

وئرمه یه یدیم کاش کی، سنی

 

نصرت کسمنلی


برچسب‌ها: تورکی شعر, شعر ترکی, نصرت کسمنلی, سئوگی, شعر عاشقانه
نوشته شده در تاريخ پنجشنبه هشتم آبان ۱۳۹۳ توسط احمد |
گؤزلریم

صبریم تؤکه نیب دیر صبر ائیله مکدن

یورولدو باخماقدان یولا گؤزلریم

بیر سنی آختاریر، بیر گنج لییی

بویلاندیقجا ساغا، سولا گؤزلریم

*

ازلدن اولموسان عهده ایلقارسیز

محبی سویوق،عشقی باهارسیز

بیز بئله دئمه دیک، آی اعتبارسیز

نئجه قییدین قانلا دولا گؤزلریم

*

کؤنلومو وئرمه دیم اؤزگه بیرینه

دنیا ثروتینه، سیم و زرینه

اگر من اولسایدیم سنین یئرینه

ایسته سن دئییردیم "آلا گؤزلریم"

*

نه اولدوز دئییلسن، نه ده آی، گونش

نه دنسه گؤزونده من ائدیرم غشّ

دوداغیمدا آلوو، قلبیمده آتش

چکیب بلا اوستدن بلا گؤزلریم

*

آزافلی عهدینی باشا یئتیردی

هجران من لییمی آدی ایتیردی

شعله سی قارالدی، ساری گتیردی

سنه حسرت قالا - قالا گؤزلریم

 


برچسب‌ها: تورکی شعر, شعر ترکی, آزافلی میکاییل
نوشته شده در تاريخ پنجشنبه یکم آبان ۱۳۹۳ توسط احمد |
اَل چک داها آخیر نفسیمدیر گئدیرم من
عمروم بویو گؤز یاش قفسیمدیر گئدیرم من
سون دفعه دی مکتوب یازیرام آی قارا گؤزلوم
بیرلیکده دانیشماق دا بسیمدیر گئدیرم من
...
من خوشلامادیم آیریلیغی ظلمته دوشدوم
دونیا اویونونلا بئله بیر قیسمته دوشدوم
نامردی زمانه سنی منن گؤره بیلمیر
اؤلمک یئرینه من بئله بیر ذلّته دوشدم
...
الله بو یانان دونیاما بیر ول وله گؤندر
یاریم دؤزه بیلمیر بو گئجه زلزله گؤندر
قارقیش ائله ییب دیر فلکین چرخی دایانسین
سیل یاز تزه دن عشقه ساری سلسله گؤندر
...
خائن دئییلم غیرتیمی کسمه گینن سن
بیر شاختا وورولموش آغاجام اَسمه گینن سن
نفرینلره قالدیم بئله بیر پیس گونه دوشدوم
نفرتله بو شعرین ورقین اَزمه گینن سن

مؤلف: ناشناس


برچسب‌ها: تورکی شعر
نوشته شده در تاريخ پنجشنبه هفدهم مهر ۱۳۹۳ توسط احمد |
نوشته شده در تاريخ سه شنبه بیست و پنجم شهریور ۱۳۹۳ توسط احمد |
 

یالان اؤزو قیشقیریر کی،

-آخی منیم اؤز آدیم وار.

من یالانام!

من یالانام!

نییه منی باشقا آدلا چاغیریرلار؟

هئچ اولماسا اؤز آدیمدا، عنوانیمدا،

ایسته میره م حاقی دانام.

یالان اؤزو قیشقیریر کی:

-واللاه، بیللاه، من یالانام!

آنجاق اونا بیرجه نفر

((سن یالان سان!))- دئین اوغول

تاپیلمادی.

یالان اولدو دوزون آدی...


Yalan özü qişqirir ki

axi mənim öz adim var

Mən yalanam

Mən yalanam

Niyə mənbaşqa adla çagirirlar

Heç olmasa öz adimda, ünvanimda

Istəmirəm haqi danam

Yalan özü qişqirir ki

Vallah- billah mən yalanam

Ancaq ona bircə nəfər

sün yalansan!”-deyən ogul

Tapilmadi

Yalan oldu düzün adi

 

"bəxtiyar vahabzadə"


برچسب‌ها: شعر ترکی, تورکی شعر, بختیار وهابزاده, متن ترکی, bəxtiyar vahhabzadə
نوشته شده در تاريخ پنجشنبه بیستم شهریور ۱۳۹۳ توسط احمد |
یاغیش یویور ، گون قورودور


بو یئرلری ، بو گؤی لری
یاغیش یویور ، گون قورودور
بو دونیادا چوخ شئی لری
یاغیش یویور ، گون قورودور

Yağış yuyur ,gün qurudur. (Ramiz Rövşən)
گؤزوموزون یاشینی دا
باغریمیزین باشینی دا
قبریمیزین داشینی دا
یاغیش یویور ، گون قورودور
Yağış yuyur ,gün qurudur. (Ramiz Rövşən)
گلن نه دی ، گئدن نه دی ؟
بَلَک نه دی ، کفن نه دی ؟
بو دونیا اؤز کئفینده دی ؟
یاغش یویور ، گون قورودور

Yağış yuyur ,gün qurudur. (Ramiz Rövşən)
... اولدوزلارین توزونو دا
لاپ گونشین اوزونو ده
لاپ یاغیشین اؤزونو ده ،
یاغیش یویور ، گون قورودور

مؤلف: رامیز روشن

 

Yağış yuyur ,gün qurudur


Bu yerləri bu göyləri
Yağış yuyur ,gün qurudur.
Bu dünyada çox şeyləri
Yağış yuyur ,gün qurudur.

Yağış yuyur ,gün qurudur. (Ramiz Rövşən)

Gözümüzün yaşını da,
Bağrımızın başını da
Qəbrimizin daşını da
Yağış yuyur ,gün qurudur.

Yağış yuyur ,gün qurudur. (Ramiz Rövşən)

Gələn nədi ,gedən nədi?
Bələk nədi,kəfən nədi?
Bu dünya öz kefindədi
Yağış yuyur ,gün qurudur.

Yağış yuyur ,gün qurudur. (Ramiz Rövşən)

...Ulduzların tozunu da,
Lap günəşin özünü də,
Lap yağışın özünü də
Yağış yuyur ,gün qurudur...


برچسب‌ها: شعر تورکی, تورکی شعر, رامیز روشن
نوشته شده در تاريخ سه شنبه یازدهم شهریور ۱۳۹۳ توسط احمد |
 

سانما کؤنلوم بو چمنزارده خرّم کیمیدیر

یارسیز عاشیقه جنّت ده جهنم کیمیدیر

آچیلیر زولفون آچیلدیقجا، توتولموش کؤنلوم

زولفونو گؤرمه دیییم گون منه ماتم کیمی‌دیر

ییخدی مین عاشقِ بیچاره نی، بیر غمزه ن اوخو

مرحبا گؤزلرینین شستینه!، رستم کیمی دیر

اؤزومو قاشلارینین طاقینه بنزه تمک اوچون

گؤر، هلالی فلکین ایندییه‌جن خم کیمی‌دیر

گؤزه لیم، لاله یاناغیندا کی تر قطره لرین

تازه گول یارپاغی اوستونده کی شبنم کیمی‌دیر

بیر فقیر عاشق اگر سئوگیلی جانانی ایله

توتا مئی جامینی الده، او هله جـم کیمی‌دیر

دلبریم همدم اولوب غیرایله، واحد، نه غمیم!

غم عشقی منه هیجران گونی همـدم کیمی‌دیر

 

"علی آقا واحد"


برچسب‌ها: تورکی شعر, علی آقا واحد, سئوگی, هیجران
نوشته شده در تاريخ چهارشنبه بیست و نهم مرداد ۱۳۹۳ توسط احمد |
وای حالینا!

بختیار وهابزاده

دوغولدوغون، بويودويون وطنينده
حاق تاپدانيب شر اودولسا، واي حالينا!
سخاوتين اونودولسا، غم ائله مه،
لياقتين اونودولسا، واي حالينا!
 
امضاسي وار ياسدا تويون، تويدا ياسين،
بو قطب لر بير- بيريندن آيريلماسين.
سنه شورون باهاليغي درد اولماسين،
ياغين شورلا بير توتولسا، واي حالينا!

هر صحبتين هر مجليسده يئري دئیيل،
اونوتماكي، قوجاليرسان سن ايل به ايل.
ياشيدلارين سنه گولسه، ظرافت بيل،
بالان ياشلي جوان گولسه، واي حالينا!

حياتيندان گيلئي له نيب چوخ آغلاما،
اؤتنلري ، يانا - يانا واراقلاما.
آرزولارين اؤلمه سينه ياس ساخلاما،
اينام اؤلسه، ايمان اؤلسه، واي حالينا!

نقصانيني اوزه دئين نامرد دئیيل،
كرايه ده ياشاديغين ائو، يورد دئیيل.
آنان سنه اؤگئي اولسا، بير درد دئيل،
زمان سنه اؤگئي اولسا، واي حالينا!

 

"بختیار وهابزاده"


برچسب‌ها: تورکی شعر, بختیار وهابزاده, شعر ترکی
نوشته شده در تاريخ یکشنبه بیست و ششم مرداد ۱۳۹۳ توسط احمد |
بیر سئودا آغلاییر ایچیمده منیم

 

سئوگی


گل دئدیم کؤکسومه یارالی دوشدو
ال آچدیم، اللریم آرالی دوشدو
اونا بو آغ دونیا قارالی دوشدو
بیر سئودا آغلاییر ایچیمده منیم

قدری بیلینمه دی،عؤمرو قیریلدی
حسرت بویون بوکدو، هیجران یورولدو
او هر گون اینجیدی، هر گون وورولدو
بیر سئودا آغلاییر ایچیمده منیم

مین گول سولدورانلار مین گول دردیلر
یونگول چیچکلری یونگول دردیلر
من اوره ک آچاندا باخیب گؤردولر
بیر سئودا آغلاییر ایچیمده منیم

دونه نی بورکولو خاطیره سینه
وورغون دور بو گونو خاطیره سینه
قیسیلیب مورگولو خاطیره سینه
بیر سئودا آغلاییر ایچیمده منیم

باجارا بیلمه دیم اؤزوم اؤزومله
دیل تاپا بیلمه دی ایشیم سؤزومله
منیم فریادیملا، منیم گؤزومله
بیر سئودا آغلاییر ایچیمده منیم

منم داش داشییان او محبّته،
ایتمیش قاش داشییام او محبّته
اؤزوم باش داشییام او محبّته
بیر سئودا آغلاییر ایچیمده منیم

گئج اولدو قدرینی من بیلنده ده
سئوینجی یاشاییب، غم بیلنده ده
اوزومه باخمایین من گولنده ده
بیر سئودا آغلاییر ایچیمده منیم

نصرت کسمنلی


برچسب‌ها: تورکی شعر, نصرت کسمنلی, سئودا, شعر ترکی
نوشته شده در تاريخ جمعه دهم مرداد ۱۳۹۳ توسط احمد |

 

Ana yurdum AZƏRBAYCAN

 

AZƏRBAYCAN

 

Sən anamın qucağısan
Ürəyimin bucağısan
Mədəniyyət ocağısan
Ana yurdum AZƏRBAYCAN

Keşiyində elim durmuş
"Babək" babam divan qurmuş
Düşməninə zərbə vurmuş
Ana yurdum AZƏRBAYCAN

Ozanlardan yadigarsan
Bahar bağlı bir diyarsan
Kim deyər ki sən solarsan?
Ana yurdum AZƏRBAYCAN

Dağlarının başı qardır
Bağlar dolu meyvə, bardır
Hər yanda hörmətin vardır
Ana yurdum AZƏRBAYCAN

Tarix boyu adın, sanın
Tökülsə də nahaq qanın
Tükənməzdir şərəf, şanın
Ana yurdum AZƏRBAYCAN

Yaylaqların səfalıdır
Gözəllərin həyalıdır
Sevənlərin vəfalıdır
Ana yurdum AZƏRBAYCAN

Sənə "Babək" güvənmişdi
Atından yerə enmişdi
Torpağına döşənmişdi
Ana yurdum AZƏRBAYCAN

Adın bəzək bizim elə
Günəşli günlərin gələ
Yer üzünə nur səpələ
Ana yurdum AZƏRBAYCAN

Bakı, Təbriz, Gəncə, Əhər
Ayrılanda işdi zəhər
Birləşəcək bir gün səhər
Ana yurdum AZƏRBAYCAN

Dan yerində ulduz gəlir
Vətən bayrağı yüksəlir
Düşmənlərin bağrın dəlir
Ana yurdum AZƏRBAYCAN

Canlar sənə qurban ola
Çiçəklərin qoyma sola
Ürəyimiz qəmlə dola
Ana yurdum AZƏRBAYCAN

"Məmmədli" yəm sən mənim sən
"Anam doğma vətənimsən"
Sabahımsan, dünənimsən
Ana yurdum AZƏRBAYCAN

"İsmayıl Məmmədli"

 

 

 


برچسب‌ها: türki şeir, آزربایجان, تورکی شعر, وطن, شعر ترکی
نوشته شده در تاريخ پنجشنبه بیست و ششم تیر ۱۳۹۳ توسط احمد |

کوله دؤندوم..

 

 

 

جاوانلیقدا مین آرزویلا

آیلار اؤتدو ایله دؤندو
بیر گؤزلین سئوگیسی ایله
اوخودوم بولبوله دؤندوم
سئوینجیمدن آشیب، داشیب
بولاق ایدیم سئله دؤندوم
تالع یمیز یار اولمادی
شاختا وورموش گوله دؤندوم
بو سئوگینین آلووندا
یانیب، یانیب کوله دؤندوم
آرزولاریم یانیب سولدو
شورانلیق بیر چؤله دؤندوم
سونرا عمروم پاییزیندا
قوروموش سونبوله دؤندوم
"ممدلینین" حیاتی تک
سس-سمیرسیز یئله دؤندوم..

 

 


برچسب‌ها: اسماعیل محمدلی, تورکی شعر, شعر ترکی, شعر عاشقانه
نوشته شده در تاريخ پنجشنبه دوازدهم تیر ۱۳۹۳ توسط احمد |

 xəbər alma..

mənim gülüm
baxdım baxdım,səs siz yandım
nəhayətdə belə qandım
özümədə yad olmuşam
o gördüyün mən deyiləm
indi quru ad olmuşam
bu bir acı həqiqətdir
nə sən, sən sən
nə mən, mənəm!
mən dünəndə yayamağı
gərək güzgüdən öyrənəm

zaman atın çapa çapa
yaz sovuşur gəlir xəzan
izdi salır üzümüzə
yaşıllığın kökün qazan
gecə gündüz
gündüz gecə
zəhər qatır sözümüzə
hörümcəyin toru kimin
torda toxur gözümüzə
oxşamırıq özümüzə

mən gəlmirəm görüşünə
birdərdim var yüz olmasın
o gördüyüm gözəlliklər
ürəyimdən pozulmasın... 

 

خبر آلما..

 

 

منیم گولوم

باخدیم باخدیم، سس سیز یاندیم 

نهایت ده بئله قاندیم

اؤزومه ده یاد اولموشام 

او گؤردویون من دئییلم

ایندی قورو آد اولموشام..

 

بو بیر آجی حقیقت دیر

نه سن، سن سن

نه من منم! 

من دونن ده یاشاماقی

گرک گوزگودن اؤیره نم 

  

زامان آتین چاپا چاپا 

یاز سوووشور گلیر خزان 

ایزدی سالیر اوزوموزه 

یاشیللیقین کؤکون قازان

گئجه گوندوز 

گوندوز گئجه

زهر قاتیر سؤزوموزه

هؤرومجه یین تورو کیمین

توردا توخور گؤزوموزه

اوخشامیریق اؤزوموزه

 

من گلمیرم گؤروشونه

بیر دردیم وار یوز اولماسین

او گؤردویوم گؤزللیک لر

اوره ییمدن پوزولماسین...

 

عاصم اردبیلی "سؤزلو گؤزلر"

 


برچسب‌ها: تورکی شعر, عاصم اردبیلی, شعر ترکی, türkü şeir
نوشته شده در تاريخ پنجشنبه پنجم تیر ۱۳۹۳ توسط احمد |
 

رمضان

 

ماه رمضان

 

گینه گلدی رمضان هامی مسلمان اولاجاق
دین اسلام اوجالیب خلق نمازخوان اولاجاق
گله جک غیرته فاسق ، اولاجاق اهل تمیز
ائتدییی معصیته جمـــــــله پشیمان اولاجاق
بیر محرمده چیخیب شاهقلی بو مسجد دن
بیر ده بو آیدا گلیب داخل ایوان اولاجاق
روزه سین مئیل ایلینلر چیخاجاقلار سفره
ائیله بیر هامیسی زوار خراسان اولاجاق
او آداملار که ائدیب میلته چوخ جور و ستم
هامیسی بیر گئجه ده قاری قرآن اولاجاق
هئچ گناه اولماسا بسدیر بیزه بو صوم و صلاه
قبر ایچینده بیزه او حائیل سوزان اولاجاق

 

"کریمی مراغه ای"


برچسب‌ها: تورکی شعر, شعر ترکی, کریمی مراغه ای

اسلایدر